Lea go dus sámi dahje kveanaduogáš? Háliidat go čállit? De gal lea Debutántaprográmma juoga mii heive dutnje!

Debutántaprográmmas 2027s čuovvut mii golbma nuorra čálli olles jagi go čállet lávdeteavstta. Dán jagi lea Debutántaprográmma ovttasbargu gaskkal Unge Viken Teater, Åarjelhsaemien Teatere, Kvääniteatteri ja Sámi Našunálateáhter Beaivváš.

Giella

Don oaččot čállit kveana-, dáro-, lulli-, julev- dahje davvisámegillii, dahje muhtin eará sámegielaide, dahje sáhtát čállit máŋgga gillii. Mii heivehit joavkku juohke dramatihkkárii ja jorgalit teavsttaid dađistaga.

Mii lea okta teaksta?

Sámi ja kvena teáhteris sáhttet iešguđetlágan dáiddalaš ovdanbuktimat bárgiduvvon oktii.   Teaksta sáhttá maid čállon luođi dahje dajahusaid, dahje duoji bokte. Vaikko makkár vuogi válljet de galgá teavstta sáhttit ovdanbuktit.

Fágalaš sisdoallu

Unge Viken Teater lea jođihan Debutántaprográmma jagi 2020i rájes ja UNG TEKST 2016a rájes. Ovttasbargguin  Åarjelhsaemien Teateren, Kvääniteatteriin, ja Sámi Našunálateáhteriin Beaivvážiin háliidit mii dál čiekŋudit fáttáide nugo luođi dramaturgiija, sámi/kveana teáhtermetodihkkii ja sámi ja kveana teáhtera ja teavstta ollislaš beali. Mii bargat praktihkalaččat ásahusa neavttáriiguin, jorgaleddjiiguin ja eará lávdedáiddáriiguin. Juohke debutánta oažžu earenoamáš čuovvoleami ovtta dáin sámi/kveana teáhterin.

Maid oaččut jus searvvat Debutántaprográmmii 2027?

Joavkodeaivvademiid ja bargobajiid Unge Viken Teáhteris (Lillestrøm), Åarjelhsaemien Teateres (Muoffis), Kvääniteatteris (Ráissas) ja Sámi Našunálateáhter Beaivváš (Guovdageainnus)

• Bargobajiid sámi ja kveana lávdedáidaga birra
• Individuála dramaturgalaš čuovvoleami
• Suorgementora/rávvejeaddji
• Teakstabarggu neavttáriiguin
• Deaivvademiid teáhtersurggiin
• Debutántaluoitimis juovlamánu lohkko dat gárvves teaksta
• Vejolašvuođa ahte du teaksta árvvoštallojuvvo teáhterii Unge Viken Teateris, Åarjelhsaemien Teateres, Kvääniteatteris ja Sámi Našunálateáhteris Beaivvážis.

Prográmma bistá ođđajagimánus juovlamánnui. Oasseváldit fertejit várret áiggi sihke bákkolaš deaivvademiide ja iežas čállimii. Eanas prográmmasisdoallu gáibida fysalaš deaivvadeami, muhto muhtin áššit nugo deaivvadit du dramaturgain sáhttá dahkkot digitálalaččat.

Gii sáhttá ohcat, ja movt ozat?

Debutántaprográmma lea dutnje gii áiggot ámmátlaččat čálligoahtit. Dus ii dárbbaš leat čállinoahppu, muhto berre leat juogalágan čállinhárjáneapmi, lávdeteavsttain dahje eará šlájain.

Ahkemearri: 16 – 30 jagi
Prográmma lea nuvttá

Oasseváldit fertejit ieža máksit mátki ruoktot ovdan deaivvademiin Lillestrømas.

Oahppomátkkit Sápmái gokčojuvvojit.

Don fertet ohcat giehtačálus ideain. Prošeavttas sáhttá leahkit sámi dahje kveana fáddá, muhto ii dárbbaš nu.

Ohcamis ferte leat mielde:

• 1 siidosaš CV (čuovo áinnas dán formáhta: https://skuespillersenter.no/cv-mal/)
• Prošeaktačilgen giehtačállosis ja fáttás, mas áinnas leat mielde karaktearat ja synopsis. Eanemusat 2 siiddu.
• Oasážat / Evttohusat. Eanemusat 4 siiddu.
• Movttiidahttinreive, eanemusat ½ siidu.
• Jus čálát eará formáhtaid bokte go čálalaš teavstta (nu go luođi, duodji dahje njálmmálaš muitaleami bokte) de sáhttá bidjat mielde lassifiila mas lea govva, jietna dahje video.

Gii lohká du ohcama?

Ohcamat árvvoštallojuvvojit čuovvovaš juryas:

• Sarakka Gaup, Debutántaprográmma dramaturga ja sámi konsuleanta
• Kristin Solberg, Åarhjelsaemien Teatere teáherhoavda
• Per Ananiassen, teáhterhoavda / Rawdna Carita Eira, sadjásaš teáhterhoavda Sámi Našunálateáhter Beaivváš
• Frank Jørstad, Kvääniteatteri teáhterhoavda
• Hilda Levin, Unge Viken Teatera dramaturga
• Øystein Ulsberg Brager, Unge Viken Teatera dramaturga ja UNG TEKST prošeaktajođiheaddji
• Kari Ramnefjell, Unge Viken Teatera teáhterhoavda

Dáhtonat Debutántaprográmmii 2027

Dáhtonat deaivvademiide ja bargobajiide eai leat vuos mearriduvvon.

Ohcanáigemearri: Čakčamánu 1.b. 2026.
Ohccit ožžot vástádusa juovlamánu álggus.

OZA DÁKKO

Jus leat gažaldagat de sáhtát sáddet daid sarakka@ungeviken.no dahje oystein@ungeviken.no.

Mii illudit oažžut du ohcama!