Datne saemien jallh kveenen maadtoste? Sïjhth tjaeledh? Dellie Debutaanteprogramme mij akt dutnjien!

Debutaanteprogrammesne 2027 mijjieh golme noere tjaelijh dåeriedibie aktem abpe jaepiem mearan manusem scenese tjaelieh. Daan jaepien Debutaanteprogramme akte laavenjostoe gaskem Unge Viken Teater, Åarjelhsaemien Teatere, Kvääniteatteri jïh Beaivváš Sámi Našunálateáhter.

Gïele

Maahtah kveenen, daaroen, åarjel-, julev- jallh noerhtesaemien gïelesne tjaeledh, jallh aktene dejstie jeatjah saemien gïelijste, jallh kombinasjovnesne gïelijste. Mijjieh dåehkiem fïerhten dramatihkeren bïjre sjiehtedibie, jïh teeksth jarkoestibie mearan tjaalasuvvieh.

Mij teekste?

Saemien jïh kveenen teaterisnie ovmessie tjeahpoevuekieh maehtieh sinsitnien bijjelen galkedh. Teekste aaj maahta tjaalasovveme årrodh vuesiehtimmien gaavhtan vuelien jïh vuelieteeksten, jallh vætnoen tjïrrh. Saaht maam hammoem datne veeljh, edtja maehtedh teekstem åehpiedehtedh.

Faageles sisvege

Unge Viken Teater lea Debutaanteprogrammine gïehtelamme 2020 raejeste jïh UNG TEKST 2016 raejeste. Laavenjostoen tjïrrh Åarjelhsaemien Teaterinie, Kvääniteatterinie jïh Beaivváš Sámi Našunálateáhterinie sïjhtebe daelie teemaj sïjse tjarnedh goh vuelien dramaturgije, saemien/kveenen teateremetodihke jïh dïhte holistihkeles saemien jïh kveenen teaterisnie jïh teekstesne. Mijjieh praktihkeleslaakan institusjovni dorjehtæjjajgujmie, jarkoestæjjajgujmie jïh jeatjah scenetjiehpiedæjjajgujmie. Fïerhte debutaante sjïere dåarjoem åådtje aktede dejstie saemien/kveenen teaterijstie.

Maam datne gie meatan Debutaanteprogrammesne 2027 åadtjoeh?

• Dåehkiegaavnedimmieh jïh vierhkiesijjieh teateri luvnie:  Unge Viken Teater (Lillestrøm), Åarjelhsaemien Teatere (Måefie), Kvääniteatteri (Nordreisa) jïh Beaivváš Sámi Našunálateáhter (Guovdageaidnu)
• Vierhkiesijjieh saemien jïh kveenen scenekåansten bïjre
• Akti akti viehkie dramaturgeste
• Suerkiementovre
• Teekstevierhkiesijjie dorjehtæjjajgujmie
• Tjåanghkoeh teateresuerkine
• Lohkeme dov gaervies vierhkeste Debutaanteluejhtiemisnie goeven
• Nuepie vuarjasjimmiem åadtjodh dov vierhkeste, vuesiehtimmesne Unge Viken Teaterisnie, Åarjelhsaemien Teaterisnie, Kvääniteatterisne jïh Beaivváš Sámi Našunálateáhterisnie.

Programme jåhta tsïengelen raejeste goeven raajan. Dah gïeh meatan tjuerieh astoem utnedh dovne meatan årrodh obligatovreles gaavnedimmine jïh jïjtse tjaeliemasse. Dïhte ellen jeenjemes programmesisvegistie kreava fysiske stieresne årrodh, men muvhth aath (goh gaavnedimmieh dov dramaturgine) maehtieh digitaalelaakan vaaltasovvedh.

Gie maahta ohtsedh, jïh guktie ohtsh?

Debutaanteprogramme lea dutnjien gie sæjhta dejnie profesjonellelaakan barkedh. Ih daarpesjh tjaelemeööhpehtimmiem utnedh, men byörh ohtje dååjrehtimmiem utnedh tjaelieminie, sceneteekstijste jallh jeatjah sjangerijstie.

Aaltereraaste: 16 – 30 jaepieh.
Programme namhtah.
Dah gïeh meatan jïjtjh dïedtem utnieh feelemh maeksedh Lillestrømen gåajkoe jïh luvhtie. Studijefeelemh Saapman lea namhtah.

Tjoerh åssjalommesinie manusasse ohtsedh. Dov prosjekte maahta saemien jallh kveenen tematihkem utnedh, men ij leah daerpies.

Sisvege ohtsemisnie tjuara årrodh:

• 1 sæjroen CV (fulkh maaje daam formaatem: https://skuespillersenter.no/cv-mal/)
• Prosjektebuerkiestimmie manuse-åssjalommesistie jïh teemeste, vaeltieh maaje meatan bijjieguvviem karakteerijste jïh synopsisem. Jeenjemes 2 sæjroeh.
• Scenah /sjissah vearhkan. Jeenjemes 4 sæjroeh.
• Motivasjovneprievie, jeenjemes ½ sæjroe.
• Jis jeatjah formaati tjïrrh tjaalah goh tjaaleldh teekste (goh vuelie, vætnoe jallh njaalmeldh sopstestimmiekåanste) gåarede aaj lissie fijlem baalte bïejedh mij dam vååjnedahta guvvien, tjoejen jallh videjoven tjïrrh.

Gie dov ohtsemem låhka?

Akte vuarjasjimmiedåehkie ohtsemidie vuarjesje, jïh dåehkien lïhtsegh leah:

• Sarakka Gaup, dramtaturge jïh saemien konsulente Debutanteprogrammese 2027
• Kristin Solberg, Åarjelhsaemien Teateren teatereåejvie
• Per Ananiassen, teatereåejvie / Rawdna Carita Eira, Beaivváš Sámi Našunálateáhteren annjebodts teatereåejvie
• Frank Jørstad, Kvääniteatterin teatereåejvie
• Hilda Levin, dramaturge Unge Viken Teaterisnie
• Øystein Ulsberg Brager, dramaturge Unge Viken Teaterisnie jïh UNG TEKST:n prosjekteåvtehke
• Kari Ramnefjell, Unge Viken Teateren teatereåejvie

Debutaanteprogrammen 2027 daatoeh

Daatoeh gaavnedimmide jïh barkoetjåanghkojde ij leah bïejesovveme annje.

Ohtsememierie skïereden 1.b. 2026.
Ohtsijh vaestiedassem åadtjoeh goeven aalkoelisnie.

OHTSH DAESNIE

Jis dov leah gyhtjelassh maahtah gaskesadtedh sarakka@ungeviken.no jallh oystein@ungeviken.no.

Aavoedibie dov ohtsemem dåastoehtidh!